Science & Technology

ISRO: ఇస్రో మరో ఘనత.. విజయవంతంగా నింగిలోకి రీశాట్ 2బీ

ఒకేసారి 100కిపైగా ఉపగ్రహాలను నింగిలోకి పంపి ఈ ఘనత సాధించిన అతికొద్ది దేశాల సరసన నిలిచిన భారత్, మhttps://bestessayes.com www.10pagepapers.comరో ఘనత సాధించింది. పూర్తిస్థాయి స్వదేశీ పరిజ్ఞానంతో రూపొందించిన రీశాట్ సిరీస్‌ను నింగిలోకి పంపింది.

  • శ్రీహరికోటలోని షార్ కేంద్రం నుంచి పీఎస్ఎల్వీ సీ46 రాకెట్ ప్రయోగం.
  • రీశాట్ 2బీఆర్1ను విజయవంతంగా కక్ష్యలో నిలిపిన రాకెట్.
  • రాకెట్ ప్రయోగించిన 16 నిమిషాల్లో విడిపోయిన ఉపగ్రహం.

భారత అంతరిక్ష పరిశోధన సంస్థ శిఖలో మరో కిలికితురాయి చేరింది. శ్రీ పొట్టి శ్రీరాములు నెల్లూరు జిల్లా శ్రీహరికోటలోని సతీశ్‌ ధవన్‌ స్పేస్‌ సెంటర్‌ (షార్‌) నుంచి పొలార్‌ శాటిలైట్‌ లాంచ్‌ వెహికల్‌-సీ46‌ని బుధవారం ఉదయం 5.30 గంటలకు విజయవంతంగా ప్రయోగించింది. దీని ద్వారా 615 కిలోల బరువు గల రీశాట్‌-2బీఆర్‌1 ఉపగ్రహాన్ని 557 కిలోమీటర్ల ఎత్తులోని కక్ష్యలో ప్రవేశపెట్టింది. ప్రయోగానికి సంబంధించిన 25 గంటల కౌంట్‌డౌన్ మంగళవారం ఉదయం 4.30 గంటలకు ప్రారంభం కాగా, సరిగ్గా బుధవారం ఉదయం 5.30 గంటలకు
పీఎస్ఎల్వీ సీ46  నిప్పులు చిమ్ముతూ నింగిలోకి దూసుకెళ్లింది. ప్రయోగ కేంద్రం నుంచి రాకెట్ బయలుదేరిన 15.29 నిమిషాల తర్వాత రీశాట్2బీఆర్1 ఉపగ్రహం పీఎస్ఎల్వీసీ 46 నుంచి విడిపోయింది. అనంతరం నాలుగు దశల్లో దీనిని 557 కిలోమీటర్ల ఎత్తులోని నిర్ణీత కక్ష్యలో నిలిపారు. 

అత్యాధునిక సింథటిక్ రాడార్‌ ఇమేజింగ్‌ భూపరిశీలన ఉపగ్రహమైన రీశాట్‌-2బీఆర్‌1 కాలపరిమితి ఐదేళ్లు. ఈ ఉపగ్రహం రక్షణశాఖకు కీలకంగా మారనుంది. దీని సాయంతో సరిహద్దుల్లో శత్రువుల కదలికలను మరింత సులువుగా గుర్తించేందుకు వీలుంది. అంతేకాదు వ్యవసాయం, అటవీ రంగాల సమాచారంతో పాటు ప్రకృతి విపత్తుల్లోనూ ఈ ఉపగ్రహం సాయపడనుంది. రీశాట్‌ సిరీస్‌ల్లో తొలి ప్రయోగాన్ని 2009లో ఇస్రో నిర్వహించింది. తర్వాత 2012లో రీశాట్‌-1ను ప్రయోగించింది. ఎనిమిదేళ్ల అనంతరం తాజాగా రీశాట్ 2బీఆర్1ను పీఎస్ఎల్వీ సీ46 ద్వారా నింగిలోకి పంపింది. ఇక, పీఎస్ఎల్వీ ప్రయోగాల్లో ఇది 48వది. 

రీశాట్2బీఆర్‌1లో పూర్తిస్థాయి స్వదేశీ పరిజ్ఞానంతో సెమి-కండక్టర్ ల్యాబొరేటరీ రూపొందించిన విక్రమ్ ప్రాసెసర్‌, ను వినియోగించినట్టు విక్రమ్ సారాభాయ్ స్పేస్ సెంటర్ డైరెక్టర్ సోమ్‌నాథ్ వెల్లడించారు. తక్కువ ఖర్చుతోనే దీనిలో నేవిగేషన్ వ్యవస్థను రూపొందించామని తెలిపారు. ఈ ప్రయోగం అనేక ప్రత్యేకతలను సొంతం చేసుకుంది. ఆస్ట్రేలియాలోని ఓ శాటిలైట్ కేంద్రం నుంచి ప్రయోగం మొత్తాన్ని వీక్షించారు. ప్రయోగ కేంద్రం నుంచి రాకెట్ బయలుదేరడం, ఉపగ్రహం దానిని నుంచి విడిపోవడం మొత్తం ప్రక్రియ అక్కడ నుంచి కూడా గమనించేలా ఏర్పాట్లు చేశారు. అలాగే సాధారణ ప్రజలు కూడా శ్రీహరికోట స్పేస్ థీమ్ పార్క్ నుంచి ప్రయోగాన్ని ప్రత్యక్షంగా వీక్షించారు.